ENCONTRO INTERNACIONAL. O VÁKNER, un monstro do medievo no camiño de Fisterra e Muxía

Estades a piques de introducirvos nun territorio descoñecido, nun mundo de lenda, misterio e mitoloxía; nunha época de cambios e descubrimentos para a humanidade.

Desde o territorio Vákner, querémosvos dar a benvida e convidarvos a todos e a todas ao Encontro Internacional que se celebra os días 18 e 19 de Outubro en Dumbría, no cal descubriredes a fantástica historia acontecida nestas terras aló polo século XV, e que está vinculada ao Camiño Xacobeo.

A este Encontro acoden relatores a nivel internacional, especialistas cada un no seu campo, que nos situarán en contexto, historia e argumentos para poder conectar e comprender toda a realidade que envolve esta fantástica historia.

Encontro financiado através do Programa O Teu Xacobeo, do Xacobeo2021.

Descubre un novo territorio, vive o Vákner.

Máis información

> Nas oficinas municipais do Concello

> Chamando o 981 744 001

Datas e lugar

> Dumbría, 18-19 Outobro 2019

> Salón de Actos do Albergue de Peregrinos do Conco

PROGRAMA

Venres 18 de Outubro

9:30 h.

Inauguración do Encontro. A cargo de Dª CECILIA PEREIRA MARIMÓN, Comisaria do Ano Santo 2021; D. XOSÉ REGUEIRA VARELA, Vicepresidente da Deputación Provincial da Coruña; e D. JOSÉ MANUEL PEQUEÑO CASTRO, Alcalde do Concello de Dumbría.

10:00 h.

Presentación do Proxecto ‘Terras do Vákner’ e proxección do audiovisual temático.

10:30 h.

D. FERNANDO ALONSO ROMERO, catedrático xubilado de Filoloxía Inglesa na USC. O vákner, do “límite da terra e o mar”.

11:15 h.

Dª AURORA LESTÓN MAYO, doutora en Filoloxía Inglesa. O vákner e o medo. 12:00 h. Descanso (pausa café).

12:30 h.

D. IGNACIO IÑARREA LAS HERAS, catedrático de Filoloxía Francesa na Universidade de La Rioja. Un longo percorrido e un breve encontro: Mártir bispo de Arzendjan e mailo vákner.

13:15 h.

D. ALFREDO ERIAS MARTÍNEZ, director do Museo das Mariñas (Betanzos). Os axentes da tentación no Gótico de Galicia.

16:30 h.

D. JAVIER CASTROVIEJO BOLIBAR, ex director da Estación Biolóxica de Doñana (CSIC) e do programa MaB da Unesco. O lobo e maila inocencia ecolóxica.

17:15 h.

D. MARTIÑO NERCELLAS MÉNDEZ, biólogo. Quen encarnou ao vákner? Outra interpretación do que puido ser este ‘animal grande e moi daniño’.

18:00 h.

O vákner no seu contexto espacial e temporal (Mesa Redonda): D. MANUEL VILAR ÁLVAREZ, Director do Museo do Pobo Galego; D. FRANCISCO SINGUL LORENZO, Xefe do departamento de Cultura Xacobea da S.A. de Xestión do Plan Xacobeo; D. JOSÉ ANTONIO DE LA RIERA AUTRÁN, fundador da Fraternidade Internacional do Camiño de Santiago.